Nganu enda nuan? - Tu peminta pemadu mimit enti deka terus idup ba Sarawak

Nganu enda nuan? - Tu peminta pemadu mimit enti deka terus idup ba Sarawak

MIRI (21 April) : Pengara program vaksinasi Covid-19 renggat kedua ba menua pesisir Ulu Baram diatu nyau ditangguh dua kali. Jaku tu dipansutka ADUN Telang Usan, Dennis Ngau.

Dennis Ngau madah ke pekara senentang Menteri Pengerai Malaysia (KKM) udah netapka semina menoa ke ngembuan 8000 rayat aja deka diberi Vaksin. Tang, menoa ka ba pesisir baka Ulu Baram nadai datai 8000 iku penyampau rayat ka diau diak .

https://www.theborneopost.com/2021/04/21/ulu-baram-covid-19-vaccine-roll-out-in-doubt-due-to-moh-requirement-says-dennis/

Nama seput orang menoa Sarawak iya ke deka idup , bepanggai ba kepala menteri pia?

Mayuh pekara ke ngasuh siku-siku orang nganu perintah Perikatan Nasional (PN). Perintah ke netap ka penyampau rayat ke ulih nerima vaksin amat ngasuh orang begedi serta ringat baka gunung berapi ke deka meletup. Aku amat pedis ati maya aku maca berita pasal perintah Sarawak ianya Perintah GPS ka begulai sama dalam Perintah PN nyau meri kuasa agai ketuai-ketuai ba malaya ianya PN. Utai tu dipeda kitai amat ngemain serta ngemelik ke seput rayat Sarawak. Ketua-ketua ke diberi kitai tabi basa ke dikarap kitai nyaga pengelantang menoa nyau ngena kuasa sida peneka ati ianya sida ke nentuka ni bagi sapa patut dijaga ari Virus Covid-19, sapa ke patut kena virus lalu sapa ke patut mati.

Nadai kala ba mimpi aku sebedau tu, tu meh mimpi aku ke pemadu remban maya aku ngingatka bisi menoa ke ngembuan pengarap rasmi serta rayat ke diau di menoa nya ke udu belayak pasal pengarap laban penemu pengarap ke nadai sama lalu bisi sekeda ketuai-ketuai menoa ke deka sida ya empu nyadi tauka nganti kereja Tuhan.

Nama patut ka rayat ke nadai manah nasit ke diau ba pesisir diberi peminta minimum ke ditatak perintah PN ia ke enda ulih digapai patut di’lak bakanya aja? Nama sida ya mensia taula jelu ke dibuai serta enda dikibuh peneka ati? Ketuai Sarawak dalam perintah PN enggau perintah GPS patut meri jaku saut ngagai pekara tu.

Rayat Sarawak di’lak diau ba dalam utai ke mundup redup

Ketuai kitai, nadai  ngira ketuai ba renggat pusat tauka negeri nyau baka udah ngerampas kuasa enggau hak dikena sida nentuka sapa patut idup lalu bisi hak mejam ke mata rayat tauka ngelalai pekara ke beguna bagi sida.

Aku diau ba bandar lalu aku semampai berunding laban aku bisi ngembuan capai internet ke chukup manah, bisi tv baka saluran tv astro lalu aku ulih maca berita ari surat khabar. Nya meh kebuah aku nemu utai ke nyadi ngagai menoa kitai. Aku amat tekenyit pagi tu tadi maya maca berita pasal perintah ke meri vaksin ngagai siti-siti menoa. Perintah nyau natak maya sida deka nyadung vaksin covid-19 ianya enti siti menoa nya, rayat enda datai 8000 iku, menoa nya enda diberi vaksin. Nama kebuah rayat sarawak enda madah ke pekara tu sebedau perintah muka sistem dikena rayat nerima regista ngambika diberi vaksin?

Bisi 5 chara kitai regista vaksin ke patut ditemu kitai : 1. Ari Aplikasi MySejahtera, 2. Laman web JKJAV COVID-19:  vaksincovid.gov.my, 3. Talipaun agai :1800-888-828, 4. regista kediri empu agai sepital enggau klinik lalu 5. Bisi urang regista agai pintu ke pintu.

https://www.klook.com/en-MY/blog/vaccine-registration-mysejahtera-malaysia/

Bagi sapa ke landik serta ngembuan penemu pasal bakani pengidup urang ke diau ba menoa pesisir sigi nemu chara 1,2,enggau 3 amat nadai ulih dipejalaika laban sida nadai ngembuan internet ke manah tauka sigi te nadai internet. Regista ngagai sepital enggau klinik mega mayuh kelikuh laban ngambi masa ke panjai serta tusah kelimpak agi rayat ke diau di teluk menoa.

Semua utai ke nyadi nyau ngasuh rayat ke diau di pesisir menoa pedis deka ngaga nama-nama laban perintah nyau udah meri takat ngagai sida. Enti ketuai Sarawak ia ke beserakup enggau perintah PN serta perintah GPS bisi ngasai pengasih tauka penyiru ngagai sida ke diau di pesisir, sida patut ngiga jalai ianya chara bekunsi ka berita nya agai rayat di pesisir lalu ngiga chara bakani deka regista ke sida.

Tang, nadai siku ketuai Sarawak ke irau ngagai pengidup rayat Sarawak. Jangka aku, sida udah lalek pasal rayat nya ke milih sida ngambika nulung serta mantu sida maya susah.

Vaksin ke diungkupka agai rayat di menoa pesisir.

Vaksin ke diungkupka ngagai rayat ke diau di menoa pesisir ianya vaksin Cansino siti dos aja, Vaksin ke digaga ari menoa China. Penemu milih utai tu enda maioh pemanah ari penemu sains tang keno ko sida iya, pemansang orang Sarawak bisi ba menua pesisir

https://www.theborneopost.com/2021/04/15/dcm-sarawak-asking-federal-for-cansino-vaccine-supply/

Siti menoa ke ari luar china ke setuju deka ngena Vaksin CanSino ianya menoa Hungary.

Kitai nemu WHO ( Organisasi Kesihatan Dunia) nadai ngeluarka sebarang jaku vaksin nya pasal Malaysia begantung 100% ngagai China pasal pengelikun enggau pemisa vaksin nya.

https://www.dw.com/en/coronavirus-confusion-over-efficacy-of-chinese-vaccines/a-57181029

https://www.theedgemarkets.com/article/chinas-cansino-covid-vaccine-shows-657-efficacy

Enti sema bisi pemanah ke datai laban utai ke nyadi tu ianya Covid-19, utai nya ianya: Kitai ukai semina meda perintah GPS nadai landik megai menoa lalu perintah persekutuan mega nadai bedulika rayat ke udah milih sida megai pangkat ke tinggi ke diulih sida diatu.

Udah chukup jam kitai rayat Sarawak ngaga pilih ke susah ianya kitai mesti lalu patut nukar perintah ke megai menoa kitai diatu.